幾年前岩岩開始學人玩 bt 時開始認識KTZone,
由當年既收費網站到以家完全免費,
都有3-4年喇, 估唔到KTZone會去到今日既竟況,
幾日死一次, 死親都幾日, 老會員不停流失,
再不復當日香港第一論壇既氣勢,
請KT君一係比d心幾搞返起個網, 收費都唔緊要,
一係就早d比 KTZone 壽終正寢, 唔好再好似以家咁死唔斷氣~!!

唔駛抱任何希望...唔會有人理
呢度宜家只係有一日玩一日，睇吓幾時斷氣...

kt又死左一個禮拜了,我以為呢次應該死透了吧...估唔到都係未死得去...!

達人兄, 我估以家 KTZone 咁多個版主,
最做得野既就你一個, 睇你個版d更新同人數就知,
如果有新地盤記得通知聲呀~!!

係我心目中重有以前個 kt既時候比佢早d安息啦~!!

呢度... 好似宜家肥肥咁... 等時間...

睇到宜家咁都係勁心淡...
當年kt係我第一個上既論壇
每日必到之處
但係宜家就真係令我好失望囉
kt係我由細上到大...
我覺得一係比佢安息
一係幫佢做勢起死回生啦!!
我見到有d板既最後一個post係9月30日...
心淡...

之前仲抱有一絲絲希望，可以用小小嘅力量留住D各方友好
但係經過呢兩次之後... 算把啦，冇咩心機...

真係超級唔想KT Zone執粒……
轉番收費都唔緊要啦……

其實 好多人都唔介意行番收費制架
係唔知點解到而家都未有負責人回應過
今次一死又成個星期
我已經著手轉日記板啦 唔再用KTzone
不過我係KTZone由2004年開始打日記
而家想話備份都備份唔到
佢剩係俾我back up 100篇
我之前果d要自己copy and paste
上次都未copy得哂佢又死左-0-
夜晚上KT又3個字先run到一頁出黎....
唉 都唔知想點.__."